Khuwab jhoote kisi ko dikhaya nahi karte,
Mere dost! Yun kisi ko satya nahi karte,
Ek baar yun kisi ko keh ker apna,
Daman phir uss se churaya nahi karte,
Us ke intezaar se bhala kya ho ga haasil,
Aane ka keh kar bhi jo aaya nahi karte,
Rakhte hon jo dard bhara dil apne seene mein,
Doosron ka dil phir woh dukhaya nahi karte,
Do qadam saath chal kar jo judda ho jayen,
Aise logon ko toh humsafar banaya nahi karte,
Kiss tarha guzarti hogi zindagi unn ki,
Pehli mohabbat ko jo dil se bhulaya nahi karte
Titlee jo ek mujh ko mili thi kitaab main
Woh apna aks chore gayi mere khuwaab main
Ab tak woh mere zehen main uljha sawaal hai
Shaamil rahi jo har ghari mere nisaab main
Aankhon main neend hai na koi khuwaab door tak
Rehte hain hum bhi aaj kal waise azaab main
Milta hai gardishon se gale lag ke chaand bhi
Aaye the simat ke faasle kitne saraab main
Aakhir meri wafa ka mujhe kya sila mila
Likha na aik harf bhi us ne jawaab main
Es Dil me Salamat ha ab tak
Wo Shokhi-e-lab wo hraf-e-wafa,
Wo naqsh-e-qadam wo aks-e-hina
So bar jisy choma Hum ne,
Es Dil me Salamat ha ab tak,
Wo Gard-e-alm wo Deeda-e-num,
Hum jis me chupa ker rakhty thy,
Tasweer Bikharti Yaadon ki,
Zanjeer pighalty Waadon ki,
Poonji nakam Iradon ki,
Ay teiz Hawa Naraz na ho,
Es Dil me Salamat ha ab tak,
Kuch rezy Naram Sawalon k,
Kuch Dar Anmol khayalon k,
Ek Sacha Roop HaQiqat ka,
Ek JHOOTA Lfz MUHABAT ka.
Mujrim bhi tha mohsin bhi mera lagta tha
Dast-e-katil bhi mujhy dast-e-HinA lgta tha
Ary daikhny waly to usy daikhty reh jaty thy
Han wo shaks mohabt ka KHUDA lagta tha
kanton bhari shakh nazar aata tha kabi
Phool lagta tha kabi baad-e-saba lagta tha
Ab logon sy pochta phirta hai mare ghar ka pata
Main jisy sare zamany sy bura lgta tha
Us ki batein thin ravayat sy hat kar MOHSIN
Sub main rehta tha magar sub sy juda lgta tha
Mujhe kamil yaqeen hai tum meri ban jaao gi ek din
tumhare dil mai utroon ga mohabbat ki sada ban kar
Mere josh-e-janoon par sari khalqat mujhko takti hai
zara tum bhi nazar dalo na bethoo yun Khuda ban kar
Tumhain yeh raaz batla doon k aksar chand ratoun main
teri aangan mai aata hun sitaroun ki zeeya ban kar
Jigar ka khoon laya hoon tere singhaar ki khatir
hatheli par racha leyna ye mehkey ga Hina ban kar
Tumhe zid hy k iqrar-e-wafa tum ne nahi karna
Meri taqdeer mein rang-e-HinA tum ne nahi bharna
Tumhe manzoor he shayad mera ghut ghut k he marna
Tumhare faisaly per ab,sar-e-tasleem kham hoga
Main apny hont see loon ga
Yu he bekaif gee loon ga
Tumhare hijer ki tasveer ko dil main saja loon ga
Tumhare jaber apny sabar ko main aazma loon ga
Magar ek baat main pounchoon
Tumhe apni qasam
Tum rakh k apny ser per haath
Phir phir khena
Tumhare dil mian mere naam se hal chul nahi hoti
Mere khat parh k jazbo mian koi tufan nahi uthta
Jawan raaton mein meri yaad ki shamay nahi jalti
Tumhari dharkano main kya meri yadien nahi palti
Tu phir tum ne azziyat ki ye rada
Kyoun taan rakhi hai
Ye dil mian thhaan rakhi hai
Bahut baichan khud rehna
Mujhe barbad sa rakhna
Bhulana bhi tu uss k sath kuch kuch yaad sa rakhna
Har ek andaaz ko apne sitam ejaad sa rakhna
Agar es shauq se tum ko koi taskeen milti hai
Tu mere zakhm-e-talab ka "tazkara" ab kam se kam hoga
Zakhm_e_Tanhai Mein Khushbo_e_HinA Kis Ki Thi
Saaya Deevar Per Mera Tha, Sada Kis Ki Thi
Os ki Raftaar Say Lipti Raheen Ankhein Meri
Os Ne Murr Kar Bhi Na Dekha k Wafa Kis Ki Thi
Ansuon Say He Bhar Gaya Daaman Mera
Haath To Main Ne Uthaaya Tha, Dua Kis Ki Thi
Meri Aahon Ki Zaban Koi Samjhta Kaisay?
Zindagi Etni Dukhi Meray Siva Kis Ki Thi
Aag Say Dosti Os Ki Thi, JaLa Ghar Mera
Dee Gai Kiss Ko Saza, Aur Khata Kis Ki Thi . . .
Main Roi To Nahi Hoon......
Najaney Kiyoon Mera Kajal
Jab Bhi Dalo Ankhon Main
Ab Aksar Phail Jata Hai
Tum To Jantey Ho In Dino
Bohat Hi Thand Hoti Hai
Tab Hi Hai Surkh Meri Naak
Main Roi To Nahi Hoon......
Kaha To Hai Yunhi Buss
Bheega Hai Aanchal Ka Kona
Choro Tum Fiker Mat Karo
Main Roi To Nahi Hoon......
Nahin, Udaas Kab Hoon Main
Ziyada Kaam Kay Baies
Thakawat Ho Hi Jati Hai
Main Roi To Nahi Hoon......
Eid Aai Hai, Woh Ab Bhi
Nahin Aata To Na Aaye
Ab Us Ki Yaad Mai Dekho
Main Roi To Nahin Hoon.....
Bata Dena Us Ko Ja Ker
Koi Khush-Fehmi Na Palley
Waisey Hi Surkh Hain Ankhin
Main Roi To Nahin Hoon.....
Iqbal tery dees ka kya haal sunnaun,
Bebaqi_o_haq goi sy gabrata hai momin,
Makkari_o_robahi py itrata hai momin,
Jis rizq sy parwaz main kotahi ka dar ho,
Woh rizq bary shoq se khata hai momin,
Kirdar ka, guftar ka, aamal ka momin,
Qaail nhi aisy kisi janjal ka momin,
Sarhad ka hai momin koi punjab ka momin,
Dhondy sy b milta nhi Quran ka momin,
Iqbal tery des ka kya hall sunaun.!
Aik chand tanha khara raha
Mere asmaan se zara prey
Mere sath sath safar mai tha
Meri manzilon se zara prey
Teri justajo ke hisaar se
Tere khawab tere khayal se
Main wo shakhs tha jo khara raha
Teri chahton se zara prey
Kabhi dil ki baat kahi na thi
Jo kahi to wo b dabi dabi
Mere lafz poory to thay magar
Teri sma'aton se zara prey
To chala gya mere humsafar
Zara dekh mur k to ik nazar
Meri kashtiyan hain jali huwi
Tere sahilon se zara prey
Muhbat hum say karni ho to phir wada nahi karna,
ye waday hum nay Dekhay hain k aksar tot jatay hain
Muhbat hum say karni hai to phir zid bhi nahi karna,
ye zid bhi hum Nay dekhi hai k sathi chhot jatay hain
Muhbat hum say karni hai to phir tohfa nahi daina,
ye tohfay hum nay Dekhay hain buht majbor kartay hain
Muhbat hum say karni hai to phir shikwa nahi karna,
ye shikway hum nay Dekhe hain dilon ko dor karte hain
Muhbat hum say karni hai to phir roya na karna,
ye aanson hum nay Dekhay hain dilon ko cheer detay hain
Kabhi aajao tum pal bhar ko,
Mujhe tum se batien krni hain,
Kuch ghum k geet sunanay hain,
Kuch raaz hain jo batlanay hain,
Kuch dil ko b batlana hai,
Kuch zakhm hain jo dikhlanay hain,
Kuch dil se yaadain dhoni hain,
Kuch naatay nai bnanay hain,
Jo sher likhay hain teri furqat mein,
Kuch sher tumhe wo sunanay hain,
Kuch dard sunanay hain dil k,
Kuch piyar ki batien krni hain,
Kabhi aajao tum pal bhar ko,
mein kuch b nahin hoon tere liye
kuch tere liye mein ho jaon
tere dil men rahoon ankhon mein basoon
dharkan men shamil ho jaon
to jab koi baat kare
mera naam b us meia shamil ho
to jab b mange kuch rab se
meri zaat b us men shamil ho
har bar nahin ik baar sahi
ik bar to aisa ho jae
ik pal k liya ae jan-e-wafa
tujhe mujh se mohabbat ho jae
AY KAASH K AISA HO JAE
AY KAASH K AISA HO JAE
Rahte hain unke khayalon me,
ab neend mujhe aati nahi,
hanste hai ab jab bhi hum,
bas yaad unhi ki aati hai,
wo uski meethi muskan,
humara dil dhadkati hai,
jagte sote har pal hi,
unki yaad hume tadpati hai,
bas ek jhalak unki paakar,
hum khush ho jaaya karte hain,
jab bhi wo aate hain saamne,
hum chup ho jaya karte hain,
Bolta hai per dil mera,
kuch bol sake to tu kah de,
per sochta hoon main,
is baat se, mera dil use na kho baithe,
wo dost nahi mera sab kuch hai,
ye kaun use batlaye,
kaas waqt ke saath hi,
wo apne aap samajh paaye,
Ay ............... ab teri yaad me,
kisi kaam me ruchi nahi,
dil me tum, dhadkan me tum,
aur baat kisi ki bachi nahi,
rahte hain tumhare khayalo me,
an neend mujhe aati nahi.....
jis ki chahat ko her chaht say mootaber rakha,
Khud tha ghamgeen mager us ko baykhaber rakha,
aaj wahi shakhs mayray g ko jalata hay bohat,
roh ko ghayal ankhoon ko rulata hay bohat,
kon c main nay thee us say khudaii mangi,
jub bhi mangi tu fakt us say mohabt mangi,
mayri chaht ka badla mujh ko istarah say mila,
hansta jo dil tha mayra mujh ko hay ujra sa mila.
Ye jo shafaaf sa ik aks us jheel mein tha,
Koi chehra tha magar chaand ki tamseel mein tha,
Yaad karta hu kahan bhool k aya hu usay,
Aisa hi aks meri soch ki zambeel mein tha,
Baat kia thi ye mujhe achi tarah yaad nahi,
Haan aap ka zikr b tha aur bari tafseel se tha,
Koi pegham tha ankhon mein so ankhon mein raha,
Masla asal to paigham ki tarseel mein tha,
Is naye nuskhe mein takhreef hui hai warna,
Zikr mera bhi kahin pyar ki injeel mein tha
Ab koi harf-e-dua kam nahi ay ga,
Ab wo mehtab sar-e-bam nahi ay ga,
Ab dhalay ga na kabi hijr ka jalta suraj,
Ab kabi wasl ka hangama nahi ay ga,
Ja k us kochay mein hum u hi palat ay gay,
Waqt-e-rukhsat koi 2 gham nahi ay ga,
Uski galyon mein hamay koi nahi pehchanay ga,
Koi tana koi dashman nahi ay ga,
Dil k darwazay per dastak nahi de ga,
Koi nama koi paigham nahi ay ga,
Umr bhar matam mein shehr-e-tamana ho ga,
Neend to ay gi aram nahi ay ga,
Magar ae bad-e-saba us se ja kr kehna,
Is kahani mein abkoi nam nahi ay ga
Mujay awaz de laina
Kabi jab ankh chalke to
Kabi jab dil na sambhle to
Mujay awaz de laina
Kabi jab dur ho koi
Bohat majbur ho koi
Koi awaz na day to
Mujay awaz de laina
Koi ansu na ponche to
Koi hansnay se roke to
Koi tum ko sataye to
Mujay awaz de laina
Kabi jab din na guzray to
Kabi jab raat tarpaye
Kabi din mei andhera ho
Mujay awaz de laina
Main tere passhota hon
Main teresath rehta hun
Mgr phir bhi guzarish hai
Mujay awaz day laina
Phele mai or tum the ab hum ho gaye
wo mere zakhmo ka marham ho gaye..
jab se unse meri shana sayi howi
wo mera sarmaya ghum ho gaye
wo sar-e-gulshan sanwer kar agaya
or sab hi pholo ke sar kham(open) ho gaye
dekhiye matlab mera kuch or tha
ap to ase hi bharam ho gaye
ishaq main pher koi uljhan na rahi
mashware jab unse baham ho gaye
jab ayadat ke lye wo agya
dard-e-dil ke nisbatan kam ho gaye...
Kese Bhoool gaya wo guzre huwe din
Lagta nahi tha us ka dil mere bin
Dosto se kaha karta tha wo b,
Kiya ye b ji sakta hai mere bin
Mazaq ban jaya karta tha jo Doston mein
khud ko tanha samjta tha wo mere bin
Isse hade diwangi kahoon ya pagalpan
tasawar me wo batein kiya karta tha mere bin
Wo mosmoon k badlny se darta nahi tha lekin
bahar mein murjhaya karta tha mere bin
Ab As tot gain uske aani ki
Lagta hai Jina sekh chuka hai mere bin
meri hasrat k janazy ko uthany waly,
kitny bedard hain yeh loag zamany waly,
koi apna nahi matlab ki hai yeh dunya sari,
ab kahan milty hain woh yar purany waly,
main dua go hon sada nendain mubarik tum ko,
hijar ka dard dy k muj ko jagany waly,
bus yeh he soch kar har bar manata hon usy,
loat k aaty hain kahan rooth k jany waly,
un k dil main kabhi jhank ker dekho to sahi Saqi,
kitny afsurda hain auron ko hansany waly,
Tairi judae mai hoe jo halat to daikho
Raton ko nend na ae kuch to socho
Jab say gae ho dur hum sy
Yaad utna he aty ho kasam sy
Nahin ata aghar yaqeen is baat ka to
Khwabon mai taire yaadon ke shidat to daiko
Janty hain pyar mai hoty hain imtaihan bhot
Tairy intaizar ke hai jo tarap to daikho
Je rahy hain tum bin hum kis tarhan
Ankhoon sy beh rahy ansoon to daikho
Janty hain nhi hoga yaqeen jab btaen gay hal-e-dil apna
Har dharkan pay likha hai taira he naam
Seeny sy dil nikal kar to daikho
Mil jae gy ek din hum kuch is tarhan
Khuda nai likha jo mukadar to daikho...!
Baray-e-naam sahi koi meharbaan to he,
Hamare sar pe Bhi hone ko Aasamaan to he
Teri faraakhdili ko duaen deta hun,
Mere labon pe tere lams ka nishaan to he
Ye aur bat k vo ab yahan nahi rahta,
Magr ye us ka basaya hua makaan to he
Alavaa is k na kuch aur parda rakh mujhse
Fasiil-e-jism mere tere darmiyan to he
Bichar k zinda nahi rah sakenge ham 2no,
Mujhe ye vaham to hai un ko ye gumaan to he
Saron pe saya_figan abr-e-Aarzu na sahi,
Hamare pas saraabon ka sayabaan to he
Lahoo ronay se darta hoon , juda honay se darta hoon ,
Meri aankhain batati hain k main sonay se darta hoon ..
Meri unggli pakar laina mujhe tanha nahi karna,
Ye dunya aik maila hai tumhain khonay se darta hoon...
Jo hansti ho tu kyun palkoon k goshay bheeg jatay hain ,
Tumhain maloom hai main iss tarah ronay se darta hoon ...
Ye jab se khwaab daikha hai tum mujhe choor jaao gee ,
Main ab darta hoon khwaabon se main ab sonay se darta hoon...
Hu to khafa us se,
Per jane phir bhi kyo,
Na chah kr bhi usko chahna acha lagta hai,
Haqeeqat se hu door,
Ye mujh ko hai pata,
Per jan k anjan rehna acha lagta hai,
Qaayil nahi main rone ka phir bhi kabhi kabhi,
Tanhai main rona acha lagta ha
Tujhay izhar-e-mohabbat say agar nafrat hai,
Tu nay hontoo ko larznay say too roka hota,
bay niazi say, magar kanptey awaz k sath,
Tu nay gabhra k mera naam na pocha hota,
younhi be wajha bhataknay ki zarorat kiya thi,
Dam-e-rukhsat mai, agar yaad na aaya hota,
Hosla tujh ko na tha mujh say juda honay ka,
Warna kajol teri ankhon ka na phela hota
Tujhay izhar-e-mohabbat say agar nafrat hai,
Tu nay hontoo ko larznay say too roka hota,
Meri har aik shab taza azab main guzree
Tumharay baadh tumharay he khawab main guzri
Main aik phool thi jisay woh rakh ker bhool gaya
Phir tamam umr usee ke kitab main guzri.
Mujhy bekhudi ki hai arzoo
Mujhe qurbaton ka kumar dey
Mery ang ang mei youn uter
K mujhi mein khud ko utar de
Tu jo rug rug mein bus gea
Tu hai dorion ka jawaz kiya
Meri zindgi mery pass aa
Meri bekhudi ko qarar de
Hai nazar nazar teri joostaju
Tu meri wafa ki hia aabro
Kabi tu bi hu mere roobaro
Mujhe jaan say hi guzaar de
Mujhe iss terha say tu yad aa
Teri yad ka bi guman na ho
Tu mery khayal mein youn sama
K mera hrf hrf nikhar de
Meri zindagi mery pass aaaa
Mujhy jeenay ki umeed dobara day do,
Meri doobti kashti ki kinara dy do,
Main dard k sahil pay tanha khara hun,
Phir aa k apni baahon ka sahara day do,
Tera daaman to bhara hay sitaron say,
Mujhy sadqay may ik sitara day do,
Mery aangan my aj andhera ha bohat,
Meri dehleez ko phir apna nazara dy do,
Chund lamhy tujhy dekhnay ki hasrat hay bas,
My nay kab kaha waqt apna mujhy sara day do....!
Yad aon to bas itni si inayat karna,
Apnay badlay howay lahjay ki wazahat karna,
Tum to chahat ka shahkar howa karte they,
Kis se seekha ulfat main milawat karna,
Hum sazaon k haqdar baney hain kab se?
Tum hi kah do kya jurm hai pyar karna?
Teri furqat main ye ankhain ab tak nam hain,
Kabhi aana meray ashkon ki zyarat karna,
Dil main ab bhi hain pyar k diye roshan,
Dekh bholay nahi hum teri hasti ki ibadat karna!
Ab kia likhain hm kaghaz par
Ab likhne ko kia baki ha,
ik dil tha so wo toot gya
ab tootne ko kia baki hay,
ik shakhs ko hm ne chaha tha
ik rait pr naksh banaya tha,
wo naksh kahan ab baki ha
ab kia likhain hm kaghaz par
ab likhne ko kia baki ha,
wo jin ko ham apni nazmo ka
unwan bnaya krte thay
lafzon ka banaa kar taj mahal
kaghaz par sajaya kerte the
wo shakhs jo hum ko chorr gya
sab rishton se mun mor gaya
ab kia likhain hum kaghaz par
ab likhne ko kia baki hay
ik dil tha so wo toot gya
ab tootne ko kia baki ha
Baaton baton mein bicharnay ka ishara ker k
Khud bhi roya woh bohut hum say kinara ker k
Sochta rehta hon tanhai mein Anjam-e-Khuloos
Phir usi jurm-e-mohabbat ko dobarah ker k
Jagmaga di hain teray shehar ki galiyan mein nay
Apnay her ashk ko palkon pay sitara ker kay
Daikh laitay hain chalo hosla apnay dil ka
Aur kuch rooz teray sath guzara ker k
Aik hi shehar mein rehna magar milna nahin
Daikhtay hain yeh aziat gawara ker k
AHL-E-Dil Youn Bhe Nibah Lete Hain
Dard Seene Main Chupa Lete Hain
Dil Ki Mehfil Main Ujaalon K Liye
Yaad Ki Shama Jala Lete Hain
Jalte Mausum Main Bhe Ye Deewane
Kuch Haseen Phool Khila Lete Hain
Apni Aankhon Ko Bana Ker Ye Zubaan
Kitne Afsane Suna Lete Hain
Jin Ko Jeena Hai Mohabbat K Liye
Apni Hasti Ko Mita Lete Hain
AHL-E-Dil Youn Bhe Nibah Lete Hain
Dard Seene Main Chupa Lete Hain
Tum roth jao mujhse, Aisa kabhi na kerna,
Main ik nazar ko tarsoon, Aisa kabhi na kerna,
Main poch poch haron, so so sawal kar k,
Tum kuch jawab na do, Aisa kabhi na kerna,
Main kisi roz tum ko sada dun,
Aur tum na aao, aisa kabhi na karna,
Tum chaley jao jab bhi to dekhon tumhara rasta,
Tum loat k na aao, Aisa kabhi na karna....!!
Hounto Pe Hunsi Dekh Li Dil k Ander Nahe Dekha,
Aap Ne Mere Gahmoo ka Samounder Nahe Dekha,
Kitne khoub Sourat H ye Duniya ye Dekha h Aap Ne,
JE JE k Marney Waloh ka Manzer Nahe Dekha,
SHeeSHAY ka Makaan Tu Ne Bana to Liya H Dost,
Laiken waqt k Hath ka Pahter Nahe Dekha,
Rishtow k Totney ka Dard Tum Kiya Janow,
Wo Lamha Tum Ne Kabe Jee Kar Nahe Dekha,
Bahtkey Roshni ki Talash Mein Nahjane Kaha Kaha,
Afsoos k Apne RooH k Ander Nahe Dekha,
ankhon me jo tehreerain theen!
honto pay vo bol na thay...
Hum thay us k pyar k aashiq!
Bas hathon mein kashkol na thay...
Hum ne us ko toot k chaha!
ye us ka haq tha lakin...
Wo b hum ko toot k chahey!
Hum itnay "ANMOL'' na thay....
Lagta nahi k sath nibhae ga dair tak,
Lekin wo muJh ko bhool na pae ga dair tak. . .
Jo bhi qareeb aae ga us k usay zaror,
wo meri dastan sunae ga dair tak
Dhonde ga wo muJhe inhi galiyon me aik "DIN"
Dhonde ga,or muJh ko na paae ga dair tak
Me sahilon ki rait pe likhon gi us ka naam,
Wo pani pe mire naqsh banaega dair tak..
Kis haal me hon us k baad main,
Sun kar usey yaqeen na Aaega dair tak.
Har RAAT Gham-e-Tanhaai,
Har SHAAM teri yaad aai,
Laakh tujhey bhulana chaha,
Us se barrh kar teri YAAD aai.,
Tuj se koi UMEED bhi wabasta nahi,
Iss DUKH se meri Aankh Bhar aai,
Logon ne poocha ASHKON ka sabab?
Bus Mujhe kehna para...!! "TANHAAI"
Tumhaari yaad kay jab zakham bharney lagtey hain
Kisi bahaaney tumko yaad karney lagtey hain
Hadees-e-yaar kay unwaan nikharney lagtey hain
Toh hareem mai gaisoo sanwarney lagtey hain
Her ajnabi humein mehram dikhaai daita hai
Jo ab bhi teri galli say guzarney lagtey hain
Saba say kartey hain ghurbat naseeb zikr-e-watan
Toh chashm-e-subah mai ansoo ubharrney lagtey hain
Wo jab bhi kartey hain us nuqta lab ki bukhiya giri
Fiza mai aur bhi naghmey bikharney lagtey hain
Dar-e-qafas pay andheray ki mohor lagti hai
Toh *Faiz* dil mai sitaarey utarney lagtey hain
No comments:
Post a Comment