aj khoya hua ik dost bohat yaad hai
acha guzra hua waqt bohat yad aya
meri aankh k her ansu pe rone wala
aj jab aankh yeh roi to bohat yaad aya
jo mere dard ko seene mein chupa lera tha
aj jab dard hua mujhe to bohat yaad aya
jo meri aankh mein kajal ki tarah rehta tha
aj kajal jo lagaya to bohat yaad aya
jo mere dil tha qareeb faqat usko hi
aj jab dil ne bulaya to bohat yaad aya
Bachpan Ka Zamana Hota Tha,
Khushio.N Ka Khazana Hota Tha.
Chahat Chaand Ko Paane Ki,
Dil Titli Ka Deewana Hota Tha.
Rone Ki Wajha Na Hoti Thi,
Hasne Ka Bahana Hota Tha.
Khaber Na Thai Kuch Subho Ki,
Na Shamo Ka Thikana Hota Tha.
Daadi Ki Kahani Hoti Thi,
Pariuon Ka Fasana Hota Tha.
Daadi Ki Kahani Hoti Thi,
Pariuon Ka Fasana Hota Tha.
Pedho Ki Shakhe Chutey They,
Mitti Ka Khilona Hota Tha.
Gam Ki Zuban Na Hoti Thi,
Na Zakhmo Ka Paymana Hota Tha.
Barish Mein Kagaz Ki Kashti,
Har Mousam Suhana Hota Tha.
Wo Khel Wo Sathi Hotey They,
Har Rishta Nibhana Hota Tha.
Jo Meri aankhon se Khuwab dekho
To Aik shab bhi na So sako Gay
K Laakh Chaho Na Hans sako gay
Hazaar chaho na Ro Sako gay'
K Khuwab kya hain Azaab Hain yeh
Mere Dukhon ki kitaab hain yeh
Rifaqatain In main Chotti hain
Mohabbatain in main Roothti hain
Pinapti Hain In main Vahshatain see
Aziatain In main Photti hain
Un hi ke Dar se Khizaan Hain Jazbay
Un hi se shakhain see tot'ti hain
Ghamon ki Bandish hain Khuaab mere
Ahal Raha hai Dukhon ka Lava
Rahen Aatish hain khuwab Mere
Khayal sare Jhulaas gay hain
Sulagti Khuahish hain khuaab Mere
Ukharrti Sansain hain Zindagi ki
Lahu ki Sazish hain Khuaab Mere
Jo Meri aankhon se Khuaab dekho
To Aik shab bhi na So sako Gay!
Main na mil sakon jo tum se, meri justujo na karna
Tumhain meri hi qasam hay, meri arzoo na karna
Mujhy jis se thi muhabbat, use thi ajab si adat
Kabhi mounh phair lena, kabhi guftugo na karna
Maine chaha tha kisi ko, mera haal kya hay dekho
Jo kiya qusoor maine, wo tum kabhi na karna
Meri ho agar buraayi to naa denaa tum safaai
Mere saath khud ko ruswaa kabhi koobako na karna
Tumhain meri hi qasam hay, meri arzoo na karna
Main na mil sakon jo tum se, meri justujo na karna
Koi poochhe badnaseebi ki hai intihaa bhi koi
To meri misaal denaa to mujhe namona karna.. ..
Khuwaab Min Aa ker Wo Meri Neend Uraati Thi Bahut,
Her Ghari Wo Dekh kar Muskurati Thi Bahut,
Chor Hi Dena Pada Ghabra kar Us k Shaher Ko,
Yaad Uski Raat Din Mujh ko Rulati Thi Bahut,
Apni Baahon Me Jab Jakar Leti The Ranjo Alam,
Aa k Ek Andaaz Me Mujh ko Hansaati Thi Bahut,
Apne Dil Ki Baat Wo Mujhse Kabhi Kehti Na Thi,
Dusron K Pyaar Ke Qissey Sunati Thi Bahut,
Chahti Thi Sirf Meri Hi Nazar Us per Parey,
Ghair Ki Nazron Se Wo Khud Ko Bachati Thi Bahut,
Din To Kat Jata Tha Mera Doston Ke Saath Mein,
Raat Me Lekin Wo Mujh ko Yaad Aati Thi Bahut.
Ye aarazu hai k jab bhi gale lagaauun use
hisaar-e-zaat se baahar nikaal laauun use
vo jal raha thaa kari dhuup ki tamaazat mein
milaa jo ab to ohrhaa duungaa apani chaa'onn usey
ye ishq bhi hai ajab imtihaan-e-ahad- e-wafaa
wo aazamaaye mujhe aur main aazamaauun use
wo shahar shahar chiraagaan sahi magar ek din
hawaayein yaad dilaayeingi apnaa gaana usey
wo apne khuwaab mein shaayad mujhii ko dekhta ho
main tashnaa lab sahi sote mein kyaa jagaauun use
Saza Pe Chor Diya Jaza Pe Chor Diya
Har Ek Kam Hum Ne Khuda Pe Chor Diya
Woh Hum Ko Yad Rahkta Ya Bhula Deta
Usi Ka Kaam Tha Usi Ki Raza Pe Chor Diya
Us Ki Marzi Bujha De Ya Phir Jala Rakhe
Cheragh Hum Ne Jala Kar Hawa Pe Chor Diya
Us Se Baat Bhi Karte Tu Kis Tarhan Karte
Yeh Masal Dua Ka Tha Dua Pe Chor Diya
Iss Liye Tu Woh Kehte Hain Bewafa Hum Ko
Ke Hum Ne Sara Zamana Wafa Pe Chor Diya......!! !!
Roye Hain Buhat Tab Zara Qaraar Mila Hai
Is Jahan Mein kise Bhala Sacha Pyaar Mila Hai
Guzar rahi hai zindagi Imtehan ke daur se
Ek khatam Hua Toh Dusra Tayar Mila Hai
Mere Damaan ko khushiyo ka nahi Malaal
Gham ka khazana jo isko beshumar mila hai
Woh kamnasib hai jinhe mehboob mil gaya
Mein khushnasib hun mujhe Intezar mila hai
Main sun k uski sub batain,
Faqat itna hi kehta tha,
Khafa hona mana laina,
Yeh sadiyon say riwayat hay,
Gilay shikway karo mujh say,
Tumhain janan ijazat hay,
Magar ik baat meri bhi,
Tum yaad rakh laina,
Kabhi aisa bhi hota hay,
Hawa'ain rukh badalti hain,
Khata'ain ho hi jati hain,
Khafa hona bhi mumkin hay,
Khata hona bhi mumkin hay,
Hamaisha yaad rakhna tum,
Ta'aluq toot janay say,
Kabhi toota nahin kertay...!
Meri sanson mein teri khushboo to basee aaj bhi hai
Dil ki khwahish hai ke tumhay choo ker phir se dekhoon
Faaslay itney bhi ho jaain gai sochha hi na tha
Teray ehsas mein teri tasweer mein kab tak dekhoon
Kaisey dorahey per khara hoon ke aqal sakit hai
Dar hai pyaron sey judai ka, khud ko tarapta dekhoon
Tera ehsas-e-janoon mujh ko bhi pyara hai mager
Ishq ke anjam mein apney liye azziat dekhoon
Dil diwana tha kabhi tera so aaj bhi hai
Teri aankhon mein wohi pyar mein phir se dekhoon
Mein ne her lamha khuda se mangee hai dua
Mein teray pyar ka mausam sada hi dekhoon
Aatish-e-ishq main jal jaon tujhey is say kiya
Mousam ki tarah badal jaon tujhey is say kiya
Chot khaon ya zakham lagay, ya ahsas-e-ghum mein tarpon
Mein gir jaon ya sanbhal jaon tujhey is say kiya
Mussartaon ko daikh ker bay qarar ho jaon
Ya tofan-e-ghum say behal jaon, tujhey is say kiya
Hansta daikh ker hans paron, rota daikh ker ro paron,
Halat k sanchay mein dhal jaon, tujhey is say kiya
Zararot nahin ab kisi hamsafar ki saaqi,
Janib-e-manzil tanha nikal jaon, tujhey is say kiya
Bun jaon agar tum sa tumhain kaisa lagay ga
Her pal rahon mein yadoon mein kaisa lagay ga?
Dartey ho jo tum narazgi say meri
ho jaon agar tum say khafa kaisa lagay ga?
Tum pyar mein khud ko ho mitanay pay raazi
Ban jayai agar pyar saza kaisa lagay ga ?
Khud se bhi ziyadah ho yaqeen tum ko agar kisi per
Woh shakhs hi dey jayai dagha kaisa lagay ga?
Tum aur hi mehfil ka dia ban ker chalo phir
Tanhai milay tum ko sila kaisa lagay ga ?
Bana gulab to kantay chubha gaya aik shakhs,
Hua chiragh to ghar hi jala gaya aik shakhs,
Tamam rang meray aur saray khuwab meray,
Fasanay thay k fasana bana gaya aik shakhs,
Mein kis hawa main uron kis fiza mein lehraon,
Dukhon key jaal her su bicha gaya aik shakhs,
Mohabbaton nay kisi ki bhula rakha tha issey,
Milley woh zakhm k phir yaad aa gaya aik shakhs,
Khula yeh raaz k aina khana hai duniya,
Aur is main mujhey tamasha bana gaya aik shakhs...!
Tumhain ab bhool hi jayain tou acha hai,
Yeh faslay aur bhi barh jayain tou acha hai,
Tumhari chahatain hum ko nahin hasil,
To ab ghair hi bun jayain tou acha hai,
Hamari to umer guzri hai teri chahat main,
Tu is aag main na jalay to acha hai,
Barsoon se thi Dua k tu meray sath ho,
Kehta hon k ab saamnay na ayai tou acha hai,
Rehta tha teri mohabbat ka saya hamaray sath,
Ab to apni parchi bhi sath na ayai tou acha hai,
Raiza Raiza ho chuki hai roooh meri,
Ke badan say ab nikal hi jayaito acha hai....!
Kuch door hamare saath chalo
Hum dil ki kahani kehdein ge
Samjhe na tum jisse aankhon se
Woh baat zubaani kehdein ge
Jo pyar karein ge jaanein ge
Har baat hamari maanein ge
Jo jaley na hon khudh ulfat mein
Woh aag ko paani kehdein ge
Jab pyaas jawan ho jaye gi
Ehsaas ki manzil paye gi
Khamosh rahein ge aur tumhein
Hum apni kahani kehdein ge
Is dil mein zara tum baitho to
Kuch haal hamara poocho to
Hum sada dil hain "Ashk" mager
Har baat poorani kehdein ge
Aankhain khuab dekhti hain
Kisi say mil janey ka
Ya khud ko kho denay ka
Tanha reh janay ka
Khud ko aar denay ka,
Chahat haar denay ka
Aankhain khuab dekhti hain
Bichray huye lamhon ka
Kisi raastay per mil janay ka
Zakhmon kay sil janey ka
Zamanay kay guzer janay ka
Khuab kay hasil ki haqeeqat ka
Haqeeqat ka khuwab main tehleel honay ka
Bikhray khuabon ki takmeel ka
Tum to khud ik khuwab ho
Husn ka, jawani ka
Ik dard bhari kahani ka!!
baat chali teri aankhon say ja pohnchi paimanay tuk
kheinch rahi hai teri ulfat, aaj mujhey maikhanay tuk
ishq ki batain ghum ki batain, dunya walay kertay hain
kis nay shama ka dukh dekha, kaun gaya parwanay tuk
ishq nahin hay tum ko mujh say, sirf bahanay kerti ho
yun hi bahanay qayam rakhna, tum meray mer jaanay tuk
itna hi kehna hay tum say, mumkin ho to aa jaana,
aa hi gayai tou rukna ho ga, aankhon k pathranay tuk
Meri aankhon main raho meri aankhon main raho,
Roshni ban k meray ghar k chiraghon main raho.!
Tera wada bhi na siyasi ho,
Ab fazaon mein na udasi ho!
Chuu k qadmon ko her khushi guzray,
Kash ab yun hi zindagi guzray!
Tum meray sath meray din meri raaton main raho,
Meri aankhon main raho meri aankhon main raho!
Pyaar mera tujh say kahta hay,
Dil ki dharkan mein tu hi rehta hay!
Preet main teri ban k kho jaon,
Meera k jaisi tu bhi hoo jayai!
Ban k radha tum meri murli ki tano main raho,
Meri aankhon main raho, meri aankhon main raho.!!
Tujhey chaha hay tujhay chahonga,
Mai na chahat say ba'az aaonga,
Teri ulfat k jhulay ain jhulun,
Saath tu day tou aasman chu lun,
Gungunaon main tujhay, dil k taron main raho,
Meri aankhon mein raho, Meri aankhon mein raho
Kamzoor badbaan hay, hawa taiz kia karain
Aa apni kashtiyon ko supurd-e-khuda karain !
apni tabahiyon main hi jub apna haath ho
phir dhushmano k waastay kiya bad-dua karain
Shaki-e-namurad ko tarsaya umer bhar
Ham say chahta tha k hum iltija karain
Hamnay yun ghurbaton main raat bitayee hay sanam,
Bhookay faqeer ko ab rukhsatzada karain
Duniya teray faraib say jobach k nikle
To sahiloon pay hum bhi namazain ada karain
Guzar gaee raat aankhon aankhon main
Ho gaee mulaqaat aankhon aankhon main
Sadiyoun say piyaasi thee mohabbat
Ho gaee bersaat aankhon aankhon main
Mil na saka tha dil kabhi dil say
Ho gaee mulaqaat aankhon aankhon main
Ahad-e-wafa or qasmoon ki bhi
Ho gaee shuruaat aankhon aankhon main
Day diya dil aik doojay ko
Ho gaee soghaat aankhon aankhon main
Sab rasmoon riwajoon ko Saqi
Ho gaee maut aankhon aankhon main
Apna Ehsas mar na jaye kahin
Dard had se Guzar na jaye kahin
Un ko dekhey hoye hoi Sadyan
Un ka Chehra bikhar na jaye kahin
Ab k Awaz doon to aa jana
Dil Deewana Sudhar na jaye kahin
Un ka Wada to hai magar Dil ko
Darr hai k kafir mukar na jaye kahin
Dard, Jugnoo, Hawa, Giley Shikwey
Yeh Mukaddar Sanwar na jaye kahin
Meri Dunya hai Dard ki Surat
Gul ki Surat Nikhar na jaye kahin
Khak se Aab tak to aa pohnchey
Ab yeh Darya Utar na jaye kahin
Yeh Mohabbat b ek Bala theri
Hum ko Darr hai wo Darr na jaye kahin
Is liye Muskuraye phirta hoon
Un ki Aankh b na bhar jaye kahin
Dil se guzra to hai magar Saqi
Apni Jaan se guzar na jaye kahin
Us nay kaha kon ho Tum?
Main nay kaha Hasrat Tumari
Us nay kaha Taktey ho kya?
Main nay kaha Surat Tumhari
Us ne kaha kartey ho kya?
Main nay kaha Pooja Tumhari
Us nay kaha Kaafir ho kya?
Main nay kaha aisa hi sahi
Us nay kaha chatey ho kya?
Main nay kaha Mohabbat Tumhari
Us nay kaha Pachtaoge,
Main nay kaha KismatHamari
Us nay Kaha Married hoon mai.
Main nay kaha Sorry BAJI
Jab seena gham se bojhl ho aur yaad kisi ki aati ho,
Tab kamre mein band ho jana aur chupke chupke ro lena,
Jab aankhein bhaari ho jaayen aur yaad mein meri bhar aayen,
Phir khud ko dhoka mat dena,aur chupke chupke ro lena,
Jab palken qarb se mondi ho aur sab samjhe tum sote ho,
Tab chehre par takiya rakh lena aur chupke chupke ro lena,
Yeh duniya zalim duniya hai...yeh baat bahut phelayegi,
Tum sabke saamne chup rehna aur chupke chupke ro lena,
Jab baarish chehra dho daale aur ashq bhi bonden lagte ho,
Woh lamha hargiz mat khona aur chupke chupke ro lena.
Apni yad rakhnay ko kuch tou jan-e-man day do
Apni muskurahatain apna bholapun day do
Apni ankhain baksh do apna husn nawaz do
Apna sakhan day do apnay dil ka dhun day do
Tumharay dum say meray jevan mein khushiyain hain bahar hay
Mein kuch kehna chahta hon mujhey tumse mohabbat hay, mujhey tum se pyar hay
Meri in khuwahishon ko umid ki koi kiran day do
Apni yad rakhnay ko kuch tou jan-e-man daydo
Tumhary siwa koi nahi meri soch, meray giyan mein
Meray as pas, meray door tuk, meray thory say wajdan mein
Mein nay zara si khushbo mangi hay kub kaha chaman daydo
Apni yad rakhnay ko kuch tou jan-e-man daydo
K jub tum door chalay jao koi to tanhai mein sahara ho
Tumhari zaat say mansoob kuch to hamara ho
Mujhey meray khuwab mujhey meray dulhan day do
Meri zindagi lay lo mujhey apna daman day do
Agar apni zaat say kuch bhi daina nahin chahtay
Mujhey apnay dukh apni aakhon ko sawan day doo
Aaj dareechay main woh aana bhool gaya
main bhi apna diya jalana bhool gaya,
aaj mujhe bhi uski yad nahi aayi
woh bhi mere khuwab main ana bhool gaya,
bahaar ne jub se aana chore diya
mousam bhi apna phool khilana bhool gaya,
chalte chalte main usko gher lay aayi
woh bhi muj se apna hath chudana bhool gaya,
khat likha hai par khat ke koney par
woh apni ankh ka ansoo mitana bhool gaya
rooth ke dono aik jaga baithey rahey
main usko woh mujko manana bhool gaya
Meri dunya me beshak andhra rahe,
Tere lab pe hansi ka basera rahe,
Phol khilte rahen tere charo taraf,
Tere hr simt khushbu ka daira rahe,
Zindgi me teri sham aye nai,
Ek chamakta damakta sawera rahe,
Tu mere sang ho ye zarori nai Bs,
Tu jahn b rahe sirf mera rahe,,"
Tum Mohabbat bhi Maosam Ki Tarha Nibhate Ho,
Kabhi baraste Ho Kabhi ek boond Ko Tarsate Ho,
Pal Mein Kehte Ho Zamane Mein Faqat Tere Hain,
Pal Mein Izhaar-e-Muhabat Se Muker Jate Ho,
Bhari Mehfil Mein Dushmano ki Tarah Milte Ho,
Aur Duaaon Mein Mera Naam Liye Jate Ho,
Dayar-E-Ghair Mein Mujh ko Talash karte Ho,
Miloon To Paas Se ChupChaap Guzer Jate Ho,
Lakh mosam ki tarah rung badalte raho,
Aaj bhi toot k shiddat se humein chahte ho..
Musafir to bichertay hain rifakat kab badlti hai..
Muhabbat zinda rehti hai Muhabbat kab badlti hai
kali ka phool ban'na aur bikhar jana mukaddar hai..
Yehi qanoon-e-fitrat hai aur fitrat kab badlti hai
Jo DiL me bas jaye aur aankhon me simat aye
Alamat hai ye Chahat ki aur Chahat kab badlti hai
Tumhi ko Chahtay hain Tumhi se Muhabbat kertay hain.
Yehi barson se adat hai aur adat kab badlti hai
Ashk Girtay hain to her Saans PIGHAL Jati hay,
De k Ek Dard Naya her Shaam DHAL Jati hay,
Tujh ko Seenay say Laga ker Milay Jannat ka Sakoon,
Tujh say Bichrron to Meri Jaan NIKAL Jati hay,
Ishq Kuch Aisay Mitata hay NISHAN-E-HASTI,
Jaise k Raat Ujaalay ko NIGAL Jati hay,
Tu Agar Dil pay Meray Hath hi Rakh De to,
Toot'ti Saans Bhi Kuch Dair SANBHAL Jati hay,
Zakhm Bharta hi Nahi Teri JUDAAI ka Magr,
Phir Teri YAAD Naya Dard UGAL Jati hy..
sitaaraa apanii bhii taabindagii na dekh sakaa
vo dhundh thii ki ye manzar koii na dekh sakaa
talaash karate huye uNgaliyaaN jalaa Daaliin
vo tiiragii thii ki mai.n shama bhii na dekh sakaa
milaa thaa shaam mujhe ik bujhaa huaa suuraj
main us ke baad phir raushanii na dekh sakaa
jo rabt baaqii the sab qataa kar liye us ne
vo meharabaaN merii bechaaragii na dekh sakaa
nigaah viase to baam-e-falak ko chhuu aa_ii
main jis zamiin pe khaRaa thaa vahii na dekh sakaa
vahii hai aa_iinaaKhaanaa vahii hai.n tasviire.n
main umr bhar koii suurat naii na dekh sakaa
tamaam shahar men vo diidaavar huaa mashahuur
vo apanii naak se aage kabhii na dekh sakaa
Mujhey talash hai uski jo merey jaisa ho
Merey khulus ko pehchanta ho bus kafi hai
Who koi bhi ho, kahin bhi ho, kesa bhi ho
Meri khatir marney ka hosla bhi rkhta ho
Agar kabhi rooth jaoon mein us sey to
Muskra key manayee, woh aisa ho
Jo baat karey to woh nibha bhi sakey
Iradon mein woh apney chatanon jaisa ho
Dukhon mein hansney ka hunar janta ho
Ik aisa hamsafar jo samandar kitarah gahrah ho
Us key pyaar ki thandak ho merey liye aisi
Key woh to bilkul aasman key chand jaisa ho
Woh sirf mera ho, jo nigahon mein haya rakhta ho
Umar bhar saath chalney ka azam-e-wafa rakhta ho
Jo khwab deney ko qadir ho meri aankhon ko
Meri mohabbat ko pehchan sakay woh aisa ho
Apney Uljhey Huwey Din Raat Bhi Suljha Na Sakey
Itney Be-faiz Hain Khud Apney Hi Kaam Aa Na Sakey
Saaya-e-Zeest Ko Dhaltey Huwey Daikha Lekin
Taptey Sehra Pay Koi Naqsh-e-Khushi Paa Na Sakey
Dil Bhi Machla Tha Nigahein Bhi Palat Jaati Theen
Unn Ki Dehleez Pay Lekin Ye Qadam Jaa Na Sakey
Dil Ki Taskheer Hi Darasal Fatah Mandi Hai
Unn Ko Paa Kar Bhi Magar Hum Unhein Apna Na Sakey
Daastan Kehney Ki Kuch Waqt Ne Mohlat Hi Na Di
Lab Kusha Ho Na Sakey Dil Unhein Dilkhla Na Sakey
Khilti Kaliyon Ke Tabasum Ki Haqeeqat Kya Hai
Bikhrey Phoolon Say Jo Poocha To Woh Samjha Na Sakey ....!
Ye kya kay sab say bayaan dil ki haalatain karni
'Faraz' tujhko na aain mohabbatain karni
Ye qurb kya hai kay tu saamnay hai aur hamain
Shumaar abhi se judaai ki sa'atain karni
Koi Khuda ho kay pathar jisay bhi hum chaahain
Tamaam umr usi ki ibaadatain karni
Sab apnay apnay qareenay say muntazir us kay
Kisi ko shukr kisi ko shikaayatain karni
Hum apnay dil se hain majbuur aur logon ko
Zaraa si baat pe barpaa qayaamatain karni
Milain jab un say to mubaham si guftagu karna
Phir apnay aap se sau-sau wazaahatain karni
Ye log kaisay magr dushmani nibhaatain hain
Humiin ko raas na aain mohabbatain karni
Kabhi 'Faraz' naye mausamon main ro dena
Kabhi talaash puraani raqaabatain karni
Marti hoi zamee'n ko bachaana parra mujhay...
Baadal ki tarah dasht pay aana parra mujhay...
Woh ker nahee'n raha tha mairi baat ka yaqee'n...
Phir yoo'n hua k mar k dikhhana parra mujhay...
Bhoolay say mairi simt koi daikhhta na tha...
Che'hray pay aik zakhm lagaana parra mujhay...
Us ajnabi say haath milaanay k waastay...
Mehfil may sab say haath milaana parra mujhay...
Yaadai'n thee'n dafan aisi k bad-az-farokht bhi...
Us ghar ki daikh-bhaal ko jaana parra mujhay...
Us bay-wafa ki yaad dilaata tha baar baar...
Kal aainay pay haath uthaana parra mujhay...
Aisay bicharr k us nay to mar jaana tha hasan...
Us ki nazar may khud ko giraana parra mujhay...!!
Meri Zindagi to Firaaq hai, Wo Azal se Dil k Makeen Sahi
Wo Nigah-e-Shoq se Door hai, Rag-e-Jaan se laakh Qareeb Sahi
Hamain Jaan deni hai ek din, wo kisi tarah wo Kahin Sahi
Hamain Aap khinchey Daar per. Jo nahi koi to Hum hi Sahi
Sar-e-Toor ho, Sar-e-Hashar ho, Hamain Intizaar Qabool hai
Wo Kabhi miley, wo kahin miley, wo kabhi Sahi, wo kahin Sahi
Na ho Un per jo Mera Bus na sahi, keh yeh Aashqi hai Hawas nahi
Main Unhi ka tha, Main Unhi ka hoon, wo Mere nahi to na Sahi
Jo ho Faisla woh sunaaiye, usey Hashar per na Uthaaiye
Jo karain ge Aap Sitam wahan, wo abhi sahi, wo yahin Sahi
Usey dekhne ki jo Loo lagi, to 'NASIR' dekh hi lain ge Hum
Wo Hazaar Aankh se Door ho, wo Hazaar Parda-Nasheen Sahi!!!!!!
No comments:
Post a Comment